ລາວໂຮມລາວ ເພື່ອປະຊາທິປະໄຕ

Members Login
Username 
 
Password 
    Remember Me  
Post Info TOPIC: ປະກາດການຈັດຕັ້ງທ່ານ ປອ ອາດສະພັງທອງ ສີພັນດອນ ເປັນຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່)


Guru

Status: Offline
Posts: 606
Date:
ປະກາດການຈັດຕັ້ງທ່ານ ປອ ອາດສະພັງທອງ ສີພັນດອນ ເປັນຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່)
Permalink   
 


ປະກາດການຈັດຕັ້ງທ່ານ ປອ ອາດສະພັງທອງ ສີພັນດອນ ເປັນຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່)

IMG_ORG_1555673491557.png

 

ຕອນບ່າຍຂອງວັນທີ 19 ເມສາ 2019, ທີ່ຫ້ອງປະຊຸມ ຂອງສຳນັກງານປົກຄອງນະຄອນຫຼວງວຽງຈັນ ໄດ້ຈັດພິທີປະກາດການຈັດຕັ້ງຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່) ໂດຍການເຂົ້າຮ່ວມເປັນປະທານຂອງ ສະຫາຍ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ, ມີກົມຈັດຕັ້ງກະຊວງການເງິນ, ຄະນະປະຈຳສະພາປະຊາຊົນນະຄອນຫຼວງວຽງຈັນ, ຄະນະປະຈຳພັກ, ກຳມະການພັກ ນວ ແລະ ສະມາຊິກອົງການປົກຄອງ ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນພິທີ ທ່ານ ບຸນທອງ ພົມມະຈັນ ຄະນະປະຈຳພັກ, ຫົວໜ້າຄະນະຈັດຕັ້ງ ນະຄອນຫຼວງວຽງຈັນ ໄດ້ຂື້ນຜ່ານບັນດານິຕິກຳສຳຄັນກ່ຽວກັບການແຕ່ງຕັ້ງ ມີດັ່ງນີ້: ໂດຍປະຕິບັດຕາມ ຄຳສັ່ງຂອງຄະນະເລຂາທິການສູນກາງພັກ ສະບັບເລກທີ 01/ຄລສພ, ລົງວັນທີ 27 ກຸມພາ 2019; ອີງຕາມ ຄຳສັ່ງຂອງນາຍົກລັດຖະມົນຕີ ສະບັບເລກທີ 01/ນຍ, ລົງວັນທີ 27 ກຸມພາ 2019; ອີງຕາມແຈ້ງການ ຂອງຄະະນຈັດຕັ້ງສູນກາງພັກ ສະບັບເລກທີ 39/ຄຈສພ, ລົງວັນທີ 20 ກຸມພາ 2019. ເຈົ້າຄອງນະຄອນຫຼວງວຽງຈັນ ຈື່ງໄດ້ອອກຂໍ້ຕົກລົງ ສະບັບເລກທີ 0267/ຈນວ, ລົງວັນທີ 4 ເມສາ 2019. ເຫັນດີແຕ່ງຕັ້ງ: ທ່ານ ປອ ອາດສະພັງທອງ ສີພັນດອນ ກຳມະການປະຈຳພັກ, ຮອງລັດຖະມົນຕີກະຊວງການເງິນ ເປັນຮອງເຈົ້າຄອງນະຄອນຫຼວງວຽງຈັນ.

     ພາຍຫຼັງ ສຳເລັດການປະກາດການຈັດຕັ້ງ ສະຫາຍ ປອ ສິນລະວົງ ຄຸດໄພທູນ ກໍໄດ້ມີຄຳເຫັນຕໍ່ກອງປະຊຸມ ເຊີ່ງໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບ ທ່ານ ປອ ອາດສະພັງທອງ ສີພັນດອນ ທີ່ໄດ້ມາຮັບໜ້າທີ່ໃໝ່ຢູ່ ນວ, ພ້ອມກັນນັ້ນ ກໍໄດ້ແນະນຳບາງນິຕິກຳສຳຄັນ, ເນື້ອໃນ, ຄາດໝາຍ, ແຜນວຽກຍຸດທະສາດ ແລະ ວິໄສທັດຂອງນະຄອນຫຼວງວຽງຈັນ ພ້ອມທັງການແນະນຳແບ່ງງານໃນແຕ່ລະຂັ້ນຂອງ ນວ ຕໍ່ທ່ານ ຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່) ເພື່ອຊາບ ແລະ ເປັນແນວທາງ ໃນການພິຈາລະນາ, ຄົ້ນຄ້ວາ ແລະ ສືບຕໍ່ຈັດຕັ້ງປະຕິບັດວຽກງານ ໃນເວລາມາຮັບໜ້າທີ່ໃໝ່ຢູ່ນະຄອນຫຼວງວຽງຈັນ



__________________


Guru

Status: Offline
Posts: 606
Date:
Permalink   
 

ຕາມທີ່ອ່ານຄອມເມັນຂອງ ປຊ ແຕ່ລະຄົນແມ່ນສຽງສ່ວນຫລາຍປະມານ 99,99% ແມ່ນບໍ່ເຫັນດີກັບຮູບແບບການເລື່ອນຊັ້ນ/ຕຳແຫນ່ງຂອງລະບົບກົງຈັກການຈັດຕັ້ງຂອງ ສປປລາວ ດ້ວຍຮູບແບບລະບົບອຸປະຖຳ/ວົງເຄືອຍາດຕະກູນ



__________________


Guru

Status: Offline
Posts: 606
Date:
RE: ປະກາດການຈັດຕັ້ງທ່ານ ປອ ອາດສະພັງທອງ ສີພັນດອນ ເປັນຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່)
Permalink   
 


ຕະກູນນີ້ລະທີ່ທັບມ້າງເພພັງນະໂຍບາຍຂອງພັກລັດແລະສູນກາງພັກທີ່ປົກປ້ອງຊັບສິນຂອງຊາດແລະປະຊາຊົນ ແລະ ປ້ອງກັນການໂກງຊາດໂກງປະຊາຊົນ ສໍ້ລາດບັງຫລວງ ຊຶ່ງມີ ລຸງ ສຸພານຸວົງ ລຸງໄກສອນ ພົມວິຫານ ລຸງສີສວາດ ແລະ ລຸງໜູຮັກ ໃນຍຸກກໍ່ຕັ້ງ ສປປ ລາວ ຂຶ້ນທໍາອິດ. ເກືອບຮອດ 20 ປີ ຫລັງກໍ່ຕັ້ງ ສປປ ລາວພາຍໃຕ້ອໍານາດການປົກຄອງຂອງຜູ່ນໍາຊຸດທໍາອິດຍັງມີຊີວິດຢູ່ ປະເທດ ສປປ ລາວ ບໍ່ມີການໂກງ ສໍ້ລາດບັງຫລວງ ເກີດຂຶ້ນ ເພາະຜູ່ນໍາຍຸກນັ້ນເໜັ້ນໃສ່ການສ້າງສາພັດທະນາເສດຖະກິດ ສັງຄົມ ແລະ ການສຶກສາຕາມນະໂຍບາຍທີ່ພັກລັດວາງອອກ ກ່ອນຈະນໍາປະເທດກ້າວເຂົ້າສູ່ເປັນປະເທດທີ່ກໍາລັງພັດທະນາ ເພື່ອນໍາປະເທດໃຫ້ປະສົບຜົນສໍາເລັດກາຍເປັນປະເທດທີ່ພັດທະນາແລ້ວ.
ແຕ່ເຫດບໍ່ໜ້າຈະເກີດຂຶ້ນ ພາຍຫລັງ 4 ຜູ່ນໍາ ຜູ່ສ້າງຕັ້ງ ສປປ ລາວ ເສຍຊີວິດໄປ ຄະນະຜູ່ນໍາລຸ້ນຕໍ່ມາ (ກໍຄື ຄໍາໄຕ ສີພັນດອນ) ຂຶ້ນມາມີອໍານາດກໍບໍ່ສືບຕໍ່ນະໂຍບາຍຂອງ 4 ຜູ່ນໍາໄດ້ມອບໝາຍໄວ້ໃຫ້.
ໄພພະຍຸຂອງການໂກງຊາດໂກງປະຊາຊົນກໍກໍາເນີດເກີດຂຶ້ນບໍ່ພໍປີຫລັງຄໍາໄຕສີພັນດອນຂຶ້ນມາເປັນນາຍົກ ເລີ່ມຈາກອອກຈັບຈອງທີ່ດິນຕາມເສັ້ນທາງຕ່າງໆໂດຍຂຶ້ນປ້າຍຕິດໄວ້ເປັນຊື່ຕົນເອງໂດຍບໍ່ຮ່ວງວ່າເປັນດິນດອນຕ່ອນຫຍ້າຂອງໃຜຈົນສ້າງຄວາມເດືອດຮ້ອນໃຫ້ປະຊາຊົນຜູ່ເປັນເຈົ້າຂອງຈໍາເປັນຕ້ອງອັດປາກມິດຖ້າໃຜຝືນອ້າປາກມີສຽງ ຈຸດຈົບຂອງປະຊາຊົນຄົນນັ້ນຄືຫາຍສາບສູນ.
ຕໍ່ມາກໍສຸມຫົວກັບນາຍທຶນແກວລັກລອບເຂົ້າມາຕັດໄມ້ຂົນເຂົ້າວຽດນາມທັງເວັນທັງຄືນຈົນປ່າໄມ້ພາກໃຕ້ຂອງລາວແປນເອີດເຕີດ. ພາຍຫລັງໝົດອາຍຸຮັບລັດຖະເປັນນາຍຍົກກໍສືບຕໍ່ເປັນປະທານປະເທດຈົນຈົບກະສຽນອາຍຸ ຄໍາໄຕ ສີພັນດອນກໍກັບກາຍເປັນມະຫາເສດຖີຂອງລາວຜູ່ທີ່ມີເງິນຢູ່ທີ່ທະນາຄານປະເທດສວິສແລນຫລາຍກ່ວາ ແປດຮ້ອຍລ້ານໂດລາ ສຫຣ.
ປັດຈຸບັນ ລູກຂອງຄໍາໄຕກໍາລັງສືບຕໍ່ວິຊາສະເພາະຂອງພໍ່ກໍຄືການໃຊ້ອໍານາດກອບໂກຍໂກງຊາດໂກງປະຊາຊົນໂດຍບໍ່ມີ ຈນທ ກະຊວງໃດສາມາດກວດສອບໄດ້ ເພາະຜູ້ກວດສອບການສໍ້ລາດບັງຫລວງກໍແມ່ນລູກສາວຂອງຄໍາໄຕນັ້ນເອງ. ລູກຊາຍຜູ່ໃຫຍ່ກໍມີໂຮງເລື່ອຍທີ່ກໍາລັງມີຂໍ້ພິລຸດໃນການສົ່ງໄມ້ເຖື່ອນເຂົ້າປ້ອນໂຮງເລື່ອຍແລ້ວສົ່ງອອກນອກປະເທດເຂົ້າວຽດນາມໂດຍຕົງຢ່າງບໍ່ມີການກວດສອບຂອງພາສີແລະ ຈທ ທີ່ກ່ຽວຂ້ອງ.

(ປະຫວັດຫຍໍ້ຂອງ ຄໍາໄຕ ສີພັນດອນ:)
-ເປັນຂ້າຣາຊະການໄປສະນີ ຢູ່ຫ້ອງການ ການເງິນ (Finance) ຂອງພແນກປະຈໍາພາກໃຕ້ (ແຂວງຄົງເຊໂດນ ໃນອະດີດ). ເປັນລູກປະຊາຊົນຜູ່ທຸກຍາກສາມັນທໍາມະດາ ບໍ່ມີດິນໄຮ່ບໍ່ມີດິນນາທໍາມາຫາກິນ ແຕ່ມີຜູ່ໃຫຍ່ອູ້ມຊູໃຫ້ເຂົ້າຮັບລາຊະການ. ຄໍາໄຕໄດ້ລັກເງິນໄປສະນີຫລາຍແສນກີບ (ສະໄໝເງິນກີບມີລາຄາ ຄໍາບາດລະ ສາມຮ້ອຍຫ້າສິບ ຫາ ສີ່ຮ້ອຍກີບ) ເມື່ອທາງການສືບຮູ້ວ່າຜູ່ກ່ຽວລັກເງິນຈຶ່ງປົບເຂົ້າໄປເມືອງໄທ ແຕ່ຖືກ ຈນທ ໄທໄລ່ລ້າເພາະທາງການລາວຮ້ອງຂໍລັດຖະບານໄທ ຄໍາໄຕຢູ່ເມືອງໄທບໍ່ໄດ້ເລີຍກັບຄືນເມືອງລາວແລ້ວໂດດເຂົ້າປ່າໄປເຜິ່ງບາລະມີຂອງທະຫານຝ່າຍແນວລາວຮັກຊາດ. ທີ່ຈິງແລ້ວຄໍາໄຕບໍ່ໄດ້ເຂົ້າຮ່ວມການປະຕິວັດດ້ວຍຄວາມສະໝັກໃຈ ເຂົ້າຮ່ວມແນວລວຮັກຊາດເພື່ອປົບການໄລ່ລ້າຂອງ ຈນທ ຈັບກຸມມາຂຶ້ນສານໃນຄະດີ ຍັກຍອກເງິນລັດ.



__________________


Guru

Status: Offline
Posts: 606
Date:
Permalink   
 

11141382_10204040154075184_7656674463672

ຕະກູນ ພວກ ຈູມມະລີ ໄຊຍະສອນ/ ຄຳໄຕ ສີພັນດອນ

ຄື ຕະກຸນໂຈນ

11118988_10204040154275189_7653503008197



__________________


Guru

Status: Offline
Posts: 606
Date:
Permalink   
 

ຮຽນປະຫວັດສາດ ໃນປຶ້ມຕຳລາ ບອກວ່າ ສະໄຫມຝລັ່ງປົກຄອງ ເປັນແບບນີ້ແບບນັ້ນ ເຮັດໃຫ້ເຮົາຄຽດແຄ້ນໃຫ້ປະເທດເສລີພາບ ປະເທດທຶນນິຍົມ ສຸດທ້າຍມາຕອນນີ້ ຮູ້ແຈ້ງເລີຍ ໄມ້ກໍໝົດ ບໍ່ແຮ ບໍ່ຄຳໝົດ ຊິເປັນເຈົ້າເປັນນາຍ ຕ້ອງມາຈາກເສັ້ນສາຍ ບໍ່ແມ່ນຄວາມສາມາດ



__________________
Anonymous

Date:
Permalink   
 

ລຸກຫລານຂອງຄຳໄຕ ສີພັນດອນ ໄດ້ລາກແກ່ກັນຂຶ້ນມາກຳອຳນາດ ຕັ່ງນັ່ງ Grade A

ທີ່ມີບ່ອນຫຍ້ຳຍ່ອນກິນທັງນັ້ນລະ ສ່ວນລູກຫລານປະຊາຊົນຄົນອອກແຮງງານໄຮ້ໂອກາດສະເໝີ.

29057add42d9a11313c3ddc99c9e279ebdb43522



__________________
Page 1 of 1  sorted by
 
Quick Reply

Please log in to post quick replies.



Create your own FREE Forum
Report Abuse
Powered by ActiveBoard